Lionel Messi vendos rekord në Ligë të Kampionëve, para Cristiano Ronaldos

19:49 | 18 Shtator 2018
Arbresh Info

Lionel Messi ka regjistruar një rekord të ri mbrëmjen e sotme në UEFA Ligë të Kampionëve.

Superylli i Barcelonës qëndron në krye të listës së golashënuesve në kompeticionin më të madh evropian në fazë të grupeve, shkruan portali arbresh.info.

Me golin e realizuar nga gjuajtja e lirë në minutën e 31′ të ndeshjes mes gjigantit katalunas dhe skuadrës holandeze PSV mbrëmjen e sotme (e martë), Messi tani është pjesë e historisë.

Fituesi i pesëfishtë i Topit të Artë tani ka më shumë gola se çdo lojtar tjetër në histori të këtij kompeticioni (61 gola), një më shumë se Cristiano Ronaldo (60 gola).

Edhe pse Ronaldo tashmë ka kaluar në Serie A, rivaliteti mes tyre është duke vazhduar pasi portugezi pritet të realizoj në takimin nesër ndaj rivalit të tij të preferuar – Valencias./arbresh.info/

A do shënoj nesër Cristiano Ronaldo? ?

Shpërndaje në rrjete sociale

Lajmet më të lexuara

Të ngjashme

Foto lajm